sru:version: 1.2; sru:query: fcs.rf="mecmua.1_186"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_186"; sru:baseUrl: ; fcs:returnedRecords: 1; fcs:duration: PT0.022S PT0.032S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_186</phrase></query>)];

397 Biri anuñ dem‑i bevāṣırdur [!]
Gėce gündüz hemīn aña birdür

398 Qanı ifrāṭla giderse eger
Anı ṭutmasına devā ėdeler

399 Aña şerbet vėrüb için pāk ėt
Daḫı ṣoñra devā‑yi tiryāk ėt

400 Ṣumaqı ṣu ile biraz qaynat
Tā ṣuya çıqa her ne var ḫaṣlet

401 Gėce gündüz birer direm tiryāk
Bir qaşuq al ṣumaq ṣuyından pāk

402 Sākin olınca dem qıl istiʿmāl
Ḥaq şifā vėre olasın ḫoş‑ḥāl

403 Gāh gāhī aqarsa dem ṭutma
Eyle perhīzi hem ḫılāf ėtme

devā‑i qabż‑i bevāṣır [!]

404 Biri qabż‑i bevāṣır [!] ol derdüñ
Qaddüñi lām ėder bu her merdüñ

405 Buña maġlūb ile ėdüb şerbet
Qabż aña tā ki vėrmeye zaḥmet

406 Līnet üzre ṭuta özin dāyim
Ola perhīz rūz u şeb qāyim

407 Qabż u ishāl u rīḥ [ü] dem ṭurdı
Pes yürekdür mekānı vü yurdı

408 Bularuñ cümlesin beyān ėtdüm
Ḥükemā sırrını ʿiyān ėtdüm

devā‑i ishāl‑i bevāṣır [!]

409 Altısı maqʿadındadur nāsuñ
Bāy u dervīş ü ʿām u ger ḫāṣuñ

410 Beşine bir devā diyem qāṭiʿ
İẕn‑i ḥaqla olınca tā nāfiʿ

411 Qara qurı üzümden al qırq bir
Daḫı bir baş ṣarımsaq[ı] kes qır

412 Qabuġını gidermegil zinhār
Merhem eyle ḥavānda her ne‑ki var

413 Baġla bir ince beze ṭop eyle
Üstine otura ʿalīl böyle

414 Gebeler birle örteler anı
Ṣabr ėdüb ter döke hemīn anı

415 Yaturub örtüb anı burnını ac
Gidere rencin andan işbu ʿilāc

416 Şol ölüm ḥaddine varanları tā
Qurtarup‑dururum bi‑emr‑i ḫudā

der‑beyān‑i devā‑i maqʿad

417 Ol birisi raḫnedür ki delinür
Ki necāset gelür bu müşkil olur